Tag: खमंग

फोडणीचे पोहे-कांदा पोहेकांदे पोहे

Click here to see Kaande Pohe or Kaanda Poha recipe in English

फोडणीचे पोहे-कांदे पोहे

 

फोडणीचे पोहे-कांदे पोहेसाहित्य :-

  • २ वाट्या जाड पोहे निवडून घेणे
  • २ कांदे बारीक चिरून
  • ५-६ हिरव्या मिरच्या चिरून
  • ६-७ कढीलिंब
  • अर्धी वाटी खोवलेले खोबरे
  • मुठभर चिरलेली कोंथिबीर
  • चवीनुसार मीठ
  • चवीनुसार साखर
  • अर्ध्या लिंबाचा रस
  • पाव वाटीपेक्षा थोडे जास्त तेल
  • १/२ वाटी शेंगदाणे [optional ]
  • १ चमचा मोहरी
  • १ चमचा जिरे
  • चिमूटभर हिंग
  • अर्धा चमचा हळद
  • १ मध्यम आकाराचा बटाटा
  • अर्धा कप वाटणे [मटार] [optional ]

 

कृती :-

  • कांदे चिरून, बटाटे चिरून, मिरच्या चिरून, कढीलिंब , कोंथिबीर चिरून, नारळ खवून, लिंबाचा रस काढून सर्व तयारी करावी.
  • भोकांच्या चाळणीत (रोवळीत) पोहे हलक्या हाताने धुवावेत.
  • पातेले तापत ठेवून तेल घालावे व तेल तापल्यावर मोहरी ,जिरे ,हिंग व हळद घालून फोडणी करावी.
  • फोडणीत मिरच्यांचे तुकडे व कढीलिंब घालून लगेच कांदा व बटाटा घालावा.
  • गॅस मंद करून कांदा व बटाट्यावर चिमूटभर मीठ व साखर घालून कांदा व बटाटाला १ वाफ द्यावी.
  • कांदा पारदर्शक झाल्यावर व बटाटा शिजल्यावर भिजवलेले पोहे घालावेत व लगेच चवीनुसार मीठ,साखर व अर्ध्या लिंबाचा रस घालून पोहे उलथण्याने चांगले ढवळावेत.
  • गॅस अगदी मंद ठेवून झाकण घालून दोन वाफा द्याव्यात व दोन वाफांमध्ये चांगले ढवळावे म्हणजे मीठ,साखर सर्व पोह्याला सारखे लागेल .
  • आवडीनुसार खोबरे,कोंथिबीर पोह्यात घालून नीट ढवळून खाण्यास द्यावे अथवा डिशमध्ये पोहे घालून खोबरे,कोंथिबीर घालून दिश सजवावी.

 

टीप:-

  • वरील पोह्यात मटारच्या दिवसांत वाटीभर मटार अथवा मूठभर भाजके दाणे घालून पण पोहे छान लागतात.
  • पोह्यात आवडत असल्यास १ मोठा टोमॅटो बारीक चिरून कांद्याबरोबर घालावा.  टोमॅटो मुळे पोहे ओलसर होतात व लिंबू घालायची जरूर पडत नाही.
  • चार्तुर्मासात कांदा घालायचा नसेल तर फ्लावर अथवा पानकोबी घालून उत्तम पोहे होतात.
  • पोहे जरा जास्त तेलात स्वादिष्ट होतात. पण कमी तेलात करायचे असतील तर कांदा परतण्याइतपत तेल घालावे व कांदा परतल्यावर पाव वाटी पाणी आधी फोडणीत घालून मग पोहे टाकावे. म्हणजे तेल कमी घालून सुद्धा मऊसर पोहे होतात.
  • पोह्यांवर ओला नारळ नसेल तर सुके खोबरे किसून घालून पोहे चांगले लागतात . खोबऱ्याचा कीस वापरायचा असेल तर मुठभर भाजके दानेपण वापरावेत.खमंग लागतात.
  • पोह्यावर डिशमध्ये खायला देताना बारीक शेव घालावा.त्यामुळे पोहे स्वादिष्ट लागतात.

 

तर काय मंडळी, बनवणार का झटपट फोडणीचे पोहे-कांदे पोहे…? तुम्हाला नक्कीच आवडेल.

आपले प्रतिक्रिया कमेंट्स द्वारे नक्कीच कळवा

 

Click here to see Kaande Pohe or Kaanda Poha recipe in English

You may also interested in,

 To Go to Freedom Marathi Home click here
To Go back to Deepjeevani Home click here


पावभाजी पाककृती- खमंग मेजवानी

Click here to see Pav Bhaji Recipe in English

-: पावभाजी :-

PavBhaji in Marathiसाहित्य:-

  • अर्धा किलो बटाटे उकडून
  • अर्धा किलो कांदे
  • पाव किलो टोमॅटो
  • १०-१२ लसूण पाकळ्या, १ इंच आलं वाटून
  • १ चहाचा चमचा आमचूर पावडर, २ चहाचे चमचे पावभाजी मसाला
  • पाव किलो फुलकोबी(फ्लावर ) बारीक चिरून,पाव किलो भोपळी मिरची बारीक चिरून
  • २०० ग्रॅम मटार
  • अर्धी वाटी रिफाइंड तेल
  • १ चहाचा चमचा लाल तिखट, हळद, मीठ
  • १०-१२ पावभाजी ब्रेड, २०० ग्रॅम अमूल बटर.

 

कृती –

  • बटाटे उकडून सोलून बारीक कुस्करावे. शक्यतो स्मशरने बारीक करावे.स्मशर नसेल तर किसणीवर किसून घ्यावेत.
  • कांदे बारीक चिरावेत.
  • टोमॅटो बारीक चिरावा. आलं, लसूण वाटून घ्यावे.
  • कढईत अर्धी वाटी तेल गरम करावे. चिरलेल्या कांदातले अर्धे कांदे घालून कांदा खमंग परतावा.  कांदा परतल्यावर आलं, लसूण, मसाला, हळद, तिखट, आमचूर पावडर घालून परतावे. त्यात बारीक चिरलेला फ्लावर व भोपळी मिरची, मटार घालून परतावे. फ्लावर व मटार शिजले की टोमॅटो घालून डावाने किंवा स्मशर घोटून घ्यावे. (फ्लावर मटार आधी थोडे वाफवून घेतले तरी चालते.)
  • वरील मसाल्यात बटाटे घालून घोटावे व २ वाट्या पाणी व चवीनुसार मीठ घालून चांगले शिजवावे.
  • पावभाजी ब्रेड मधोमध चिरून अमूल बटर लावून तव्यावर शेकावेत.
  • सर्व करायच्या वेळेला तळलेला ब्रेड बाजूला पावभाजीची गरम भाजी अमूल बटर घालून परतून वाढावी.
  • चिरलेला निम्मा कांदा व बारीक चिरलेली कोंथिबीर भाजीवर घालावी.

 

दक्षता –

  • पावभाजीच्या भाजीत गाजर, घेवडा वगैरे इतर भाज्या घालायला हरकत नाही.घालायच्या असल्यास अगदी बारीक चिरून वाफवून घालाव्यात.
  • भाजी संपूर्ण लोण्यात करायची असेल तर भाजी करायला म्हणजे कांदा वगैरे परतायला अमूल बटर वापरू नये. घरगुती पांढरे लोणी वापरून भाजी करावी व अमूल बटर नेहमी सर्व्ह करायच्या वेळेलाच वरती घालावे.
  • पावभाजीचा तयार मसाला वापरायचा नसेल तर ४-५ लवंगा, १ चमचा जिर, १ चमचा धने, १ चमचा काळे मिरे, २ हिरवे वेलदोडे, २ मोठे मसाला वेलदोडे बारीक कुटून त्याची पावडर मसाला म्हणून वापरावी. हा मसाला वापरला तर भाजीत वरील प्रमाणात लाल तिखट व आमचूर पावडर जास्त वापरावी.
  • वरील साहित्यात ५-६ माणसांना पोटभर पावभाजी होते.

 

तर काय मंडळी, बनवणार का पावभाजी…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Pav Bhaji Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


दम आलू पाककृती-खमंग मेजवानी

Click here to see Tasty and Spicy Indian Dum Aloo Recipe in English

दम आलू

Dum Alooदम आलू बनवण्यासाठी साहित्य :-

  • छोट्या आकाराचे अर्धा किलो बटाटे
  • चिमुटभर हिंग
  • १/२ चमचा हळद
  • १ चमचा मिरची पावडर
  • १ मध्यम आकाराचा कांदा
  • २ कप दही
  • ४-५ तमालपत्राची  पाने
  • १ चमचा आलं ,लसुन पेस्ट
  • ४ चमचे तेल
  • १/२ कप दुध
  • मीठ चवीनुसार

मसाल्यासाठी :-

  • २ वेलदोडे
  • ७-८ मिरे
  • १ चमचा धने
  • १/४ चमचा शहाजिरे
  • ४-५ लवंगा
  • १ लहान दालचिनी

कृती :-

  • पहिला मसाल्याचे साहित्य मिक्सरमधून बारीक वाटून बाजूला ठेवावे .
  • बटाटे प्रथम धुवून बेताचे उकडून सोलावेत .
  • कढईत तेल तापवून सर्व बटाटे खमंग तळावेत व बाजूला ठेवावेत .
  • कढईत  बटाटे तळून  उरलेले तेल थोडे कमी करावे व उरलेल्या तेलात कांदा ,हिंग ,तमालपत्र आणि आलं लसुन पेस्ट घालून परतावे .
  • हे मिश्रण गुलाबी रंगावर परतला गेला की तेल सुटू लागते .
  • नंतर त्यात बारीक वाटून ठेवलेला मसाला मिक्स करून २-३ मिनिटे मध्यम आचेवर झाकून ठेवावे.
  • नंतर त्यात हळद ,मिरची पावडर आणि मीठ घालून परतावे .
  • नंतर तेल सुटायला लागले की गॅस मोठा करून दही आणि दुध घालून डावाने घोटावे .
  • मिश्रण जाड वाटल्यास थोडे उकळते पाणी घालून ढवळावे .
  • नंतर त्या मिश्रणात तळलेले बटाटे घालून परतावे .
  • सर्व मसाला बटाट्यांना सर्वत्र लागला पाहिजे .आणि गॅस बंद करून भाजीला दोन चांगल्या वाफा द्याव्यात.
  • आवडत असल्यास सजावटीसाठी कोंथिबीर घालून सर्व्ह करावे .
तर काय मंडळी, बनवणार का खमंग दम आलू…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Tasty and Spicy Indian Dum Aloo Recipe in English

You may also interested in,

 To Go to Freedom Marathi Home click here
To Go back to Deepjeevani Home click here