Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Advertisements

Category: पाककृती-खमंग मेजवानी

अंड्याची भूर्जी-अंडा भूर्जी

Click here to see Anda Bhurgi recipe in English

भारतीय पाककृती||अंड्याची भूर्जी

Anda Bhurgiसाहित्य :-

  • ४ अंडी
  •  २ मोठा  कांदा  बारीक  चिरून
  • १ मोठा  टोमॅटो बारीक  चिरून
  • २ हिरव्या  मिरच्या  बारीक  चिरून
  • मूठभर  चिरलेली  कोथिंबीर
  •  २ चमचा  तेल
  •  लाल  तिखट  अर्धा  चमचा
  •  अर्धा  चमचा  जिरे
  • चवीनुसार  मीठ

कृती :-

  • खोलगट  फ्राईंगपॅन  किंवा  कढईमध्ये  तेल  गरम  करावे. त्यात  जिरे  घालावे.  त्यात  बारीक  चिरलेला कांदा,  मिरची  परतून  घ्यावी.  कांदा  गुलाबी  झाला  की टोमॅटो घालून  परतावे.
  • एका  पातेल्यात  अंडी  हलकी  फेटून  घ्यावीत  व  परतलेला  कांदा  टोमॅटोवर  घालावा.  चवीनुसार  मीठ व अर्धा  चमचा  लाल  तिखट  घालून  ढवळावे.  ढवळून  अंडे  पूर्ण  कोरडे  झाले  की  कोथिंबीर  घालून उतरवावे.
तर काय मंडळी, बनवणार का अंड्याची भूर्जी…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

Click here to see Anda Bhurgi recipe in English

You may also interested in,

Advertisements

साबुदाण्याची खिचडी – उपवासाचे खाद्य पदार्थ

Click here to see Sabudana Khichadi (Sago Khichadi) in English

 साबुदाण्याची  खिचडी

Sabudana Khichdiसाहित्य :-

  • २  वाट्या  साबुदाणा
  • २  वाट्या  दाण्याचे  कूट
  • अर्धा  चमचा जिरे
  • ५-६  हिरव्या  मिरच्या
  • १  मूठ  बारीक  चिरलेली  कोथिंबीर
  • १  वाटी  खवलेला  नारळ
  • २  टेबलस्पून   तेल
  • मीठ   चवीनुसार
  • साखर  चवीनुसार

कृती :-

  • साबुदाणा  चाळून  निवडून  स्वच्छ धुऊन  भिजवावा.  पातेल्यावर  झाकण  ठेवून  दोन  तास  ठेवावा.
  • साबुदाणा  भिजल्यावर  हाताने  मोकळा  करून  त्यात  दाण्याचे  कूट  २  वाट्या  घालावे.
  • हिरव्या  मिरच्या, चीमुठ्भर  जिरे  व  थोडी  कोंथिबीर  घालून  वाटून  साबुदाण्यात  घालाव्यात.  मीठ, साखर  चवीनुसार  घालून  साबुदाणा  हाताने  सारखा  करावा.
  • जाड  बुडाच्या  पातेल्यात  किंवा  कढईत  २  टेबलस्पून  तेलाची  फोडणी  करावी.  त्यात  पाव  चहाचा चमचा  जिरे  घालावे.
  • कालवलेला  साबुदाणा  तेल्याच्या  फोडणीवर  घालून  खिचडी  चांगली  परतावी.
  • गॅस  अगदी  मंद  करून,  पातेले  पातळ  असेल  तर  पातेल्याखाली  तवा  घालून  खिचडीवर  झाकण ठेवून  दोन  मंद  वाफा  येऊ  द्याव्यात.  आवडत  असल्यास  अर्धा  लिंबाचा  रस  घालावा.
  • वरून  खोबरं , कोथिंबीर  घालून  गरम  खिचडी  खाण्यास  द्यावी.

दक्षता :-

  • मिरच्या  वाटून  लावायच्या  नसतील  तर  फोडणीत  मिरच्यांचे  तुकडे  घालावेत.  पण  मिरची  कोंथिबीर  वाटून  लावल्याने  खिचडीला  रंग  छान  येतो.
  • साबुदाणा  भिजवताना  सर्व  पाणी  काढून  टाकून  पाव  वाटी  ताक  घालावे  म्हणजे  साबुदाणा  चांगला भिजतो  व  खिचडी  चवीला  पण  छान  लागते.  ताक  घातले  तर  लिंबू  घालायची  गरज  नाही.
तर काय मंडळी, बनवणार का साबुदाण्याची खिचडी …? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see  Sabudana Khichadi (Sago Khichadi) in English

You may also interested in,

 To Go to Freedom Marathi Home click here
To Go back to Deepjeevani Home click here

 


मैसूर बज्जी पाककृती-खमंग मेजवानी

Click here to see Karnataka special Mysore Bajji -Mysore Bonda in English

भारतीय पाककृती||मैसूर बज्जी

Mysore Bajjiसाहित्य :-

  • १  वाटी  मैदा
  • १/४   वाटी तांदळाचे  पीठ
  • २  चमचे  रवा  [optional ]
  • १  कप  दही
  • २  हिरव्या  मिरच्या
  • १  चमचा  मीठ  चवीनुसार
  • १  चमचा  जिरे
  • ८-१०  कढीलिंब
  • १/२  इंच  आलं
  • १  कांदा
  •  चीमुठ्भर  सोडा
  •  तेल  तळण्याकरता
  •  १ वाटी खवलेला  नारळ

कृती :-

  • कांदा, आलं,  हिरव्या  मिरच्या,  कढीलिंब   हे  सर्व  बारीक  वाटून  घ्यावे.  आणि  ही  पेस्ट  बाजूला  ठेवावे.
  •  १  वाटी  मैद्यामध्ये,  १/४  वाटी  तांदळाचे  पीठ,  २  चमचे  रवा  आणि  दही  घालावे.  हाताने  थोडे  कालवून १  तास  झाकून  ठेवावे.
  • ह्या  पिठाच्या  मिश्रणात  बारीक  वाटून  ठेवलेली  पेस्ट,  जिरे,  सोडा,  आणि  चवीनुसार  मीठ  घालून  पीठ  कालवावे.  हे  पीठ  पातळ  न  करता  लागल्यास  पाणी  घालावे.
  •  कढईत  तेल  तापवून  वरील  पिठाची  गोल  बज्जी  हाताने  किंवा  चमच्याने  घालावीत  व  मध्यम  आचेवर  खरपूस  तळून  काढावीत.
  •  गरमागरम  मैसूर  बज्जी  सर्व्ह  करण्यासाठी  तयार  आहेत.  चटणी  बरोबर  गरम  खायला द्यावेत.
तर काय मंडळी, बनवणार का गरमागरम मैसूर बज्जी…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Karnataka special Mysore Bajji -Mysore Bonda in English

You may also interested in,

 To Go to Freedom Marathi Home click here
To Go back to Deepjeevani Home click here


भारतीय पाककृती- सुरमई फ्राय

Click here to see Surmai Rava Fry Fish Recipe in English

भारतीय पाककृती||सुरमई फ्राय

Surmai Fish Fryसाहित्य :-

  • अर्धा  किलो  सुरमई
  • थोडीशी  चिंच
  • १०-१२  लसून  पाकळ्या,  १  इंच  आलं
  • १  चहाचा  चमचा  लाल  तिखट
  • हळद -१/२  टी  स्पून
  • चवीनुसार  मीठ
  • १ वाटी   ज्वारीचे  पीठ
  • रवा –गरजेनुसार
  • तळण्याकरता  तेल

कृती :-

  • सुरमईचे  सगळे तुकडे  स्वच्छ  धुवून   घ्यावेत.
  • चिंचेचा  कोळ  काढून  घ्यावा.
  • चिंचेचा  कोळ, वाटलेली  आलं,  लसून,  हळद, १ चमचा लाल तिखट  व चवीनुसार मीठ सर्व एकत्र करून  सुरमईच्या तुकड्यांना सर्व बाजूने चोळून घ्यावे व ३-४ तास झाकून ठेवावे.
  • फ्राय  करायच्या  वेळी  ज्वारीच्या  पिठात  रवा  मिक्स  करून  नंतर  सर्व  तुकडे  लावलेल्या  मासाल्यासकट दोन्ही  बाजूने  घोळवून  फ्रायिंग  पॅनमध्ये  पुरेसे  तेल  घालून  एका  वेळेला  २-३ तुकडे  लावून  दोन्ही बाजूने  खरपूस  तळावेत.
  • गरमागरम सुरमई  फ्राय  सर्व्ह  करण्यासाठी  तयार  असतील.


टीप :-

  • कोणताही  मासा  धुताना  लिंबाचा  रस  व  पाण्यात  खळखळून  स्वच्छ  धुवावेत  म्हणजे  शिळेपणा  व माशाचा  वास  कमी  होतो.
  • फ्राय  करताना  लिंबुरस  किंवा  व्हिनीगर  चिंचेच्या  ऐवजी  उपयोगात  आणता  येईल.  पण  चिंचेमध्ये मुरलेल्या  फिशाची चव  चांगली  लागते.
तर काय मंडळी, बनवणार का सुरमई फ्राय..? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Surmai Rava Fry Fish Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


मसाले भात-भारतीय पाककृती

Click here to see Masala Bhath (Masale/Spicy rice) recipe in English

 

भारतीय पाककृती- मसाले भात

मसाले भातसाहित्य :-

  • दोन  वाट्या  उत्तम  प्रतीचे  जुने  तांदूळ  किंवा  बासमती  तुकडा
  • पाव  किलो  फ्लॉवर
  • एक  वाटी  मटारचे  दाणे
  • एक  वाटी  गाजर
  • एक  वाटी  श्रावण  घेवडा  देठ  काढून  उभा  तिरका  चिरून
  • एक  वाटीभर  खवलेला  नारळ [optional]
  • मुठभर  चिरलेली  कोंथिबीर
  • एक  डावभर  तेल
  • फोडणीचे  साहित्य :- ५-६ कढीलिंबाची  पाने
  • मसाला :- 1 स्पून  सुके  खोबरे,  एक  टे. स्पून  पांढरे  तीळ,  तीन  चार  लवंगा,  दोन  दालचिनीचे  तुकडे, दोन  मसाला  वेलदोडे,  एक  चमचा  जिरे,  ३-४  हिरव्या  मिरच्या.
  • मीठ  चवीनुसार
  • चीमुठ्भर  हळद
  • अर्धा  इंच  आले,  ५-६  लसून  पाकळ्या  वाटून  ( ऐच्छिक)
  • एक  मुठभर  काजू  पाकळी.

कृती :-

  • मसाले  भात  करण्यापूर्वी  तांदूळ  स्वच्छ  निवडून,  धुवून  निथळत  ठेवावेत.  तांदळाच्या  दुप्पट  पाणी पातेल्यात  उकळून  ठेवावे.
  • फ्लॉवरचे  तुरे  काढून  सोलावे,  गाजर  सोलून  मधला  दांडा  काढून  एक  उंचाचे  उभे  तुकडे  करावेत.  मटार सोलून  घ्यावेत.
  • घेवडा  देठ  काढून  उभा  तिरका  चिरावा.
  • सर्व  भाज्या  एकत्र  करून  धुवून  घ्याव्यात.
  • मसाल्याचे  सर्व  जिन्नस  अर्धा  चमचा  तेल  घालून  कढईत  खमंग  भाजून  घ्यावेत  व  कुटावेत.
  • जाड  बुडाच्या  पातेल्यात  डावभर  तेलाची  फोडणी  करून  त्यात  ५-६ कढीलिंबाची  पाने  आणि  आलं लसून  पेस्ट  घालावे.  ते  परतलं  गेलं  की  धुवून  ठेवलेल्या  सर्व  भाज्या  फोडणीत  घालावे.  भाज्या चांगल्या  परतून  झाल्या  की,  काजू  पाकळी  घालावी.  त्यावर  धुवून  ठेवलेले  तांदूळ  घालावेत.  तांदूळ फोडणीत  चांगले  परतावे,  त्यात  कुटलेला  मसाला  घालून  थोडा  परतून  उकळते  पाणी  घालावे.
  • चवीनुसार  मीठ  आणि  हळद  घालावे.
  • भाताला  चांगली  उकळी  आली  की,  गॅस  मंद  करावा  व  पातेल्याखाली  तवा  घालून  मंद  आचेवर  भात शिजल्यावर  उलथन्याने  एक – दोन  वेळा  ढवळावा.
  • वरील  भाताचे  भांडे  सध्या  कुकरमध्ये   घालून  मसाले  भात  शिजवायला  हरकत  नाही.  पण  कुकरचे झाकण  उघडून  एक  दोनदा  उलथन्याने  हलक्या  हाताने  ढवळावा,  नाहीतर  मसाला  व  भाज्या  भातात नीट  न  मिसळता  भात  शिजल्यावर  त्याचा  थर  भातावर  जमा  होतो.
  • मसाले  भात  वाढताना  आवडत  असेल  तर  खोबरे,  कोंथिबीर  घालून  साजूक  तूप  घालून  वाढावा.

दक्षता :-

  • मसाले  भातात  आपल्या  आवडीनुसार  इतर  भाज्या  वापरण्यास  हरकत  नाही.  आवडीनुसार  पानकोबी  बारीक  चिरून,  भोपळी  मिरची,  वांग्याचे  मोठे  तुकडे,  बटाट्याचे  तुकडे  घालावेत.
तर काय मंडळी, संध्याकाळी बनवणार का खमंग मसाले भात…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Masala Bhath (Masale/Spicy rice) recipe in English

You may also interested in,

 To Go to Freedom Marathi Home click here
To Go back to Deepjeevani Home click here


%d bloggers like this: