Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Advertisements

Category: पाककृती-खमंग मेजवानी

बटाट्याची भजी-बटाटा पकोडा

Click here to see Aloo Pakoda Recipe in English

                                                बटाट्याची भजी

Aloo Ka Pakodaसाहित्य  :-

  • ३-४ मोठे बटाटे
  • २ वाट्या भरून डाळीचे पीठ
  • २ टेबलस्पून तांदळाची पिठी
  • १ चहाचा चमचा तिखट
  • अर्धा चमचा हळद
  • ३ टेबलस्पून तेल
  • चवीनुसार मीठ
  • चिमूटभर सोडा
  • चिमूटभर हिंग
  • २ टेबलस्पून चाट मसाला [ optional ]
  • तळण्याकरता तेल.

 

कृती:-

  • बटाटे साल काढून गोल पातळ चिरावेत व मिठाच्या पाण्यात १०-१५ मिनिटे घालून ठेवून हाताने चोळून बाहेर काढावेत व चाळणीत निथळत ठेवावेत.
  • डाळीच्या पिठात २ टेबलस्पून तांदळाची पिठी, ३ टेबलस्पून तेल कडकडीत करून घालावे,त्यात तिखट,हळद व चवीनुसार मीठ घालावे. पीठ सरबरीत कालवावे. त्यात चिमूटभर सोडा व हिंग घालावा.
  • कढईत तेल तापत ठेवावे. तेल तापल्यावर बटाट्याची एक एक चकती पिठात बुडवून भजी घालावीत व खरपूस तळावीत.
  • गरम गरम सर्व्ह करावे !

 

तर काय मंडळी, बनवणार का झटपट बटाट्याची भजी-बटाटा पकोडा…? तुम्हाला नक्कीच आवडेल.

आपले प्रतिक्रिया कमेंट्स द्वारे नक्कीच कळवा

 

Click here to see Aloo Pakoda Recipe in English

You may also interested in,

 To Go to Freedom Marathi Home click here
To Go back to Deepjeevani Home click here

Advertisements

इडली -IDLI or IDALI Recipe

Click here to check IDLI recipe in English 

इडली -IDLI or IDALI

South Indian IDLIसाहित्य:-

  • २ वाटी उडदाची डाळ
  • ५ वाटी तांदूळ
  • मीठ
  • १ टेबलस्पून तेल
  • इडली पात्र

 

 

कृती:-

  1. इडली करायच्या आधी २४ तास उडदाची डाळ आणि तांदूळ निवडून धुवून भिजत घालावी.
  2. १०-१२ तास डाळ,तांदूळ भिजले की पाणी काढून मिक्सरवर वेगवेगळे वाटावे व एकत्र करून हाताने मिसळून एका ऐल्युमिनियमच्या डब्यात किंवा भांड्यात घालून उबदार जागेत ठेवावे.
  3. हिवाळ्यात २४ तास पीठ आंबल्यावर (उन्हाळ्यात १२ तासात पीठ आंबते)ते डब्यातून काढून त्यात १ चमच्या तेल व चवीपुरते मीठ घालून सारखे करावे.
  4. नंतर इडली पत्राला तेल लावून त्यात प्रत्येक साच्यात थोडे-थोडे पीठ टाकून इडल्या कराव्यात. आठ ते दहा मिनिटे त्याला वाफ आणावी .
  5. १० मिनिटांनी झाकण काढून इडली शिजली का ते पाहावे. मधोमध ओली सुरी टोचली व सुरीला पीठ लागले नाही तर समजावे इडली झाली.सुरीला पीठ लागले तर अजून ५ मिनिटे उकडण्यास ठेवावे.
  6. वरील साहित्यात २५-२६ इडल्या होतात. सांबार व चटणीबरोबर ४ व्यक्तींना भरपूर पुरतात.

टीप:-

  • इडलीचे पीठ चांगले आंबले की इडल्या चांगल्या हलक्या होतात. सोडा वापरायची जरूर नसते पण खूप थंडीच्या दिवसात २४ तास पीठ ठेवूनही आंबले नाही तर पिठात अर्धी वाटी आंबट दही व पाव चमचा सोडा घालून फेटून इडल्या कराव्यात.

 

Click here to check  IDLI recipe in English

You may also interested in,

 To Go to Freedom Marathi Home click here
To Go back to Deepjeevani Home click here


भारतीय पाककृती – ब्रेड पकोडा

BreadPakoda3

BreadPakodaसाहित्य :-

  • ८ ब्रेड स्लाईस
  • ३-४ मध्यम बटाटे
  • १ कप बेसन
  • १ कप पाणी
  • १/२ टीस्पून हळद
  • १/२ टीस्पून जिरे
  • १ टीस्पून तिखट
  • चिमुटभर खायचा सोडा
  • मीठ
  • कढीपत्ता
  • २-३ हिरव्या मिरच्या
  • कोथिंबीर
  • आलं लसुन पेस्ट
  • तळण्यासाठी तेल

कृती :-

  1. बटाटे शिजवल्यावर लगेचच भाजी बनवावी म्हणजे बटाटे चांगल्याप्रकारे मॅश होतात. किवा बटाटे सुरीने खूप बारीक कापावेत.
  2. बटाट्याची भाजी करतेवेळी एका कढईत थोडे तेल घालून त्यात जिरे, बारीक चिरलेली मिरची, कढीपत्ता, आलं लसुन पेस्ट घालून परतावे.नंतर त्यातमध्ये थोडी हळद, व मीठ घालून परतावे.नंतर त्यात बारीक चिरलेले बटाटे घालून आणि बारीक चिरलेली कोंथिबीर घालून परतावे.
  3. एका बाऊल मध्ये बेसन घेऊन त्यात हळद,तिखट, जिरे, मीठ, खायचा सोडा, आलं लसुन पेस्ट, बारीक चिरलेली कोंथिबीर, आणि पाणी घालून पीठ भिजवावे.हे पीठ पातळ ही नसावे आणि एकदम घट्ट सुद्धा नसावे.
  4. एक ब्रेडचा स्लाईस घेऊन त्यावर सुरीने त्रिकोणी आकाराचे तुकडे करावेत. नंतर एक ब्रेडचा स्लाईस घेऊन त्यावर २ ते ३ चमचे भाजी एकसमान पसरावी .त्यावर दुसरा ब्रेड स्लाईस ठेवावा.
  5. तळण्यासाठी तेल गरम करत ठेवावे. बटाटा भाजी घातलेली ब्रेडचे तुकडे भिजवलेल्या पिठात घोळवून मिडीयम हाय गॅसवर गोल्डन रंगावर तळून घ्यावेत.
  6. सर्व्ह करताना पुदिना चटणी,किवा टोमॅटो केचपबरोबर द्यावे.

टीपs :-

  1. बटाट्याची भाजी उरली असेल तर या पिठात भाजी घालून भजीप्रमाणेच तळाव्यात.
  2. जर प्लेन पकोडे बनवायचे असतील तर बटाट्याची भाजी करू नये फक्त ब्रेडचे कापलेले तुकडे भिजवलेल्या पिठात बुडवून नेहमी सारखे तळावे.
तर काय मंडळी, बनवणार का ब्रेड पकोडा…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to check Bread Pakoda Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


मसाला पापड पाककृती- खमंग मेजवानी

Click here to see Masala Papad Recipe in English

मसाला पापड

 

 

MasalaPapad1साहित्य :-

  • ४ पापड
  • १ मोठा कांदा, बारीक चिरून
  • २ लहान टोमॅटो, बारीक चिरून
  • १ टिस्पून लाल तिखट
  • २ टिस्पून चाट मसाला
  • २ टिस्पून कोथिंबीर, बारीक चिरून
  • मीठ चवीनुसार
  • तेल, पापड तळण्यासाठी.

 

कृती :-

  • प्रथम एका बाउल मध्ये बारीक चिरलेला कांदा, टोमॅटो, मीठ आणि कोथिंबीर घालून मिक्स करून घ्यावे. नंतर बाजूला ठेवावे. ह्या मिक्शर ला मसाला पापाडचा टोप्पिंग म्हणू शकतो.
  • एका पनमध्ये पापड बुडण्याइतपर्यंत तेल गरम करावे. नेहमी प्रमाणे पापड तळून घ्यावे.
  • पापडावर चाट मसाला आणि लाल तिखट भुरभुरावे.
  • आता पापडावर मिक्स केलेलं टोप्पिंग पसरावा.
  • पुन्हा येगदा टोप्पिंग केलेल्या पापडावर चाट मसाला भुरभुरावे.
  • लगेच सर्व्ह करावे.

 टिप्स :-

  • मसाला पापड लगेच सर्व्ह करावे. कारण हा पापड कांदा आणि टोमॅटो असल्याने लवकर मऊ होतो.
तर काय मंडळी, बनवणार का चटपटा मसाला पापड…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Masala Papad Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


पावभाजी पाककृती- खमंग मेजवानी

Click here to see Pav Bhaji Recipe in English

-: पावभाजी :-

PavBhaji in Marathiसाहित्य:-

  • अर्धा किलो बटाटे उकडून
  • अर्धा किलो कांदे
  • पाव किलो टोमॅटो
  • १०-१२ लसूण पाकळ्या, १ इंच आलं वाटून
  • १ चहाचा चमचा आमचूर पावडर, २ चहाचे चमचे पावभाजी मसाला
  • पाव किलो फुलकोबी(फ्लावर ) बारीक चिरून,पाव किलो भोपळी मिरची बारीक चिरून
  • २०० ग्रॅम मटार
  • अर्धी वाटी रिफाइंड तेल
  • १ चहाचा चमचा लाल तिखट, हळद, मीठ
  • १०-१२ पावभाजी ब्रेड, २०० ग्रॅम अमूल बटर.

 

कृती –

  • बटाटे उकडून सोलून बारीक कुस्करावे. शक्यतो स्मशरने बारीक करावे.स्मशर नसेल तर किसणीवर किसून घ्यावेत.
  • कांदे बारीक चिरावेत.
  • टोमॅटो बारीक चिरावा. आलं, लसूण वाटून घ्यावे.
  • कढईत अर्धी वाटी तेल गरम करावे. चिरलेल्या कांदातले अर्धे कांदे घालून कांदा खमंग परतावा.  कांदा परतल्यावर आलं, लसूण, मसाला, हळद, तिखट, आमचूर पावडर घालून परतावे. त्यात बारीक चिरलेला फ्लावर व भोपळी मिरची, मटार घालून परतावे. फ्लावर व मटार शिजले की टोमॅटो घालून डावाने किंवा स्मशर घोटून घ्यावे. (फ्लावर मटार आधी थोडे वाफवून घेतले तरी चालते.)
  • वरील मसाल्यात बटाटे घालून घोटावे व २ वाट्या पाणी व चवीनुसार मीठ घालून चांगले शिजवावे.
  • पावभाजी ब्रेड मधोमध चिरून अमूल बटर लावून तव्यावर शेकावेत.
  • सर्व करायच्या वेळेला तळलेला ब्रेड बाजूला पावभाजीची गरम भाजी अमूल बटर घालून परतून वाढावी.
  • चिरलेला निम्मा कांदा व बारीक चिरलेली कोंथिबीर भाजीवर घालावी.

 

दक्षता –

  • पावभाजीच्या भाजीत गाजर, घेवडा वगैरे इतर भाज्या घालायला हरकत नाही.घालायच्या असल्यास अगदी बारीक चिरून वाफवून घालाव्यात.
  • भाजी संपूर्ण लोण्यात करायची असेल तर भाजी करायला म्हणजे कांदा वगैरे परतायला अमूल बटर वापरू नये. घरगुती पांढरे लोणी वापरून भाजी करावी व अमूल बटर नेहमी सर्व्ह करायच्या वेळेलाच वरती घालावे.
  • पावभाजीचा तयार मसाला वापरायचा नसेल तर ४-५ लवंगा, १ चमचा जिर, १ चमचा धने, १ चमचा काळे मिरे, २ हिरवे वेलदोडे, २ मोठे मसाला वेलदोडे बारीक कुटून त्याची पावडर मसाला म्हणून वापरावी. हा मसाला वापरला तर भाजीत वरील प्रमाणात लाल तिखट व आमचूर पावडर जास्त वापरावी.
  • वरील साहित्यात ५-६ माणसांना पोटभर पावभाजी होते.

 

तर काय मंडळी, बनवणार का पावभाजी…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Pav Bhaji Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


%d bloggers like this: