Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Advertisements

Author: freedomadmin

भारतीय पाककृती- सुरमई फ्राय

Click here to see Surmai Rava Fry Fish Recipe in English

भारतीय पाककृती||सुरमई फ्राय

Surmai Fish Fryसाहित्य :-

  • अर्धा  किलो  सुरमई
  • थोडीशी  चिंच
  • १०-१२  लसून  पाकळ्या,  १  इंच  आलं
  • १  चहाचा  चमचा  लाल  तिखट
  • हळद -१/२  टी  स्पून
  • चवीनुसार  मीठ
  • १ वाटी   ज्वारीचे  पीठ
  • रवा –गरजेनुसार
  • तळण्याकरता  तेल

कृती :-

  • सुरमईचे  सगळे तुकडे  स्वच्छ  धुवून   घ्यावेत.
  • चिंचेचा  कोळ  काढून  घ्यावा.
  • चिंचेचा  कोळ, वाटलेली  आलं,  लसून,  हळद, १ चमचा लाल तिखट  व चवीनुसार मीठ सर्व एकत्र करून  सुरमईच्या तुकड्यांना सर्व बाजूने चोळून घ्यावे व ३-४ तास झाकून ठेवावे.
  • फ्राय  करायच्या  वेळी  ज्वारीच्या  पिठात  रवा  मिक्स  करून  नंतर  सर्व  तुकडे  लावलेल्या  मासाल्यासकट दोन्ही  बाजूने  घोळवून  फ्रायिंग  पॅनमध्ये  पुरेसे  तेल  घालून  एका  वेळेला  २-३ तुकडे  लावून  दोन्ही बाजूने  खरपूस  तळावेत.
  • गरमागरम सुरमई  फ्राय  सर्व्ह  करण्यासाठी  तयार  असतील.


टीप :-

  • कोणताही  मासा  धुताना  लिंबाचा  रस  व  पाण्यात  खळखळून  स्वच्छ  धुवावेत  म्हणजे  शिळेपणा  व माशाचा  वास  कमी  होतो.
  • फ्राय  करताना  लिंबुरस  किंवा  व्हिनीगर  चिंचेच्या  ऐवजी  उपयोगात  आणता  येईल.  पण  चिंचेमध्ये मुरलेल्या  फिशाची चव  चांगली  लागते.
तर काय मंडळी, बनवणार का सुरमई फ्राय..? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Surmai Rava Fry Fish Recipe in English

You may also interested in,

 To Go to Freedom Marathi Home click here
To Go back to Deepjeevani Home click here

Advertisements

मसाले भात-भारतीय पाककृती

Click here to see Masala Bhath (Masale/Spicy rice) recipe in English

 

भारतीय पाककृती- मसाले भात

मसाले भातसाहित्य :-

  • दोन  वाट्या  उत्तम  प्रतीचे  जुने  तांदूळ  किंवा  बासमती  तुकडा
  • पाव  किलो  फ्लॉवर
  • एक  वाटी  मटारचे  दाणे
  • एक  वाटी  गाजर
  • एक  वाटी  श्रावण  घेवडा  देठ  काढून  उभा  तिरका  चिरून
  • एक  वाटीभर  खवलेला  नारळ [optional]
  • मुठभर  चिरलेली  कोंथिबीर
  • एक  डावभर  तेल
  • फोडणीचे  साहित्य :- ५-६ कढीलिंबाची  पाने
  • मसाला :- 1 स्पून  सुके  खोबरे,  एक  टे. स्पून  पांढरे  तीळ,  तीन  चार  लवंगा,  दोन  दालचिनीचे  तुकडे, दोन  मसाला  वेलदोडे,  एक  चमचा  जिरे,  ३-४  हिरव्या  मिरच्या.
  • मीठ  चवीनुसार
  • चीमुठ्भर  हळद
  • अर्धा  इंच  आले,  ५-६  लसून  पाकळ्या  वाटून  ( ऐच्छिक)
  • एक  मुठभर  काजू  पाकळी.

कृती :-

  • मसाले  भात  करण्यापूर्वी  तांदूळ  स्वच्छ  निवडून,  धुवून  निथळत  ठेवावेत.  तांदळाच्या  दुप्पट  पाणी पातेल्यात  उकळून  ठेवावे.
  • फ्लॉवरचे  तुरे  काढून  सोलावे,  गाजर  सोलून  मधला  दांडा  काढून  एक  उंचाचे  उभे  तुकडे  करावेत.  मटार सोलून  घ्यावेत.
  • घेवडा  देठ  काढून  उभा  तिरका  चिरावा.
  • सर्व  भाज्या  एकत्र  करून  धुवून  घ्याव्यात.
  • मसाल्याचे  सर्व  जिन्नस  अर्धा  चमचा  तेल  घालून  कढईत  खमंग  भाजून  घ्यावेत  व  कुटावेत.
  • जाड  बुडाच्या  पातेल्यात  डावभर  तेलाची  फोडणी  करून  त्यात  ५-६ कढीलिंबाची  पाने  आणि  आलं लसून  पेस्ट  घालावे.  ते  परतलं  गेलं  की  धुवून  ठेवलेल्या  सर्व  भाज्या  फोडणीत  घालावे.  भाज्या चांगल्या  परतून  झाल्या  की,  काजू  पाकळी  घालावी.  त्यावर  धुवून  ठेवलेले  तांदूळ  घालावेत.  तांदूळ फोडणीत  चांगले  परतावे,  त्यात  कुटलेला  मसाला  घालून  थोडा  परतून  उकळते  पाणी  घालावे.
  • चवीनुसार  मीठ  आणि  हळद  घालावे.
  • भाताला  चांगली  उकळी  आली  की,  गॅस  मंद  करावा  व  पातेल्याखाली  तवा  घालून  मंद  आचेवर  भात शिजल्यावर  उलथन्याने  एक – दोन  वेळा  ढवळावा.
  • वरील  भाताचे  भांडे  सध्या  कुकरमध्ये   घालून  मसाले  भात  शिजवायला  हरकत  नाही.  पण  कुकरचे झाकण  उघडून  एक  दोनदा  उलथन्याने  हलक्या  हाताने  ढवळावा,  नाहीतर  मसाला  व  भाज्या  भातात नीट  न  मिसळता  भात  शिजल्यावर  त्याचा  थर  भातावर  जमा  होतो.
  • मसाले  भात  वाढताना  आवडत  असेल  तर  खोबरे,  कोंथिबीर  घालून  साजूक  तूप  घालून  वाढावा.

दक्षता :-

  • मसाले  भातात  आपल्या  आवडीनुसार  इतर  भाज्या  वापरण्यास  हरकत  नाही.  आवडीनुसार  पानकोबी  बारीक  चिरून,  भोपळी  मिरची,  वांग्याचे  मोठे  तुकडे,  बटाट्याचे  तुकडे  घालावेत.
तर काय मंडळी, संध्याकाळी बनवणार का खमंग मसाले भात…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Masala Bhath (Masale/Spicy rice) recipe in English

You may also interested in,

 To Go to Freedom Marathi Home click here
To Go back to Deepjeevani Home click here


पुरणपोळ्या पाककृती-खमंग मेजवानी

 Click here to see Maharastrian special dish – Puran Poli recipe in English
                                

भारतीय पाककृती||पुरणपोळ्या

For More Visit: www.Deepjeevani.com

For More Visit: www.Deepjeevani.com

साहित्य :-

  • ३  वाट्या हरभरा डाळ
  • ३  वाट्या चिरलेला गूळ
  • १  वाटी साखर
  • अर्धे जायफळ, ५,६ वेलदोडे
  • ३  वाट्या कणीक
  • ३  टे.स्पून मैदा,  चिमुटभर  मीठ,  पाऊन  वाटी  तेल,  तांदळाची पिठी

कृती :-

  • हरभरा  डाळ स्वच्छ  निवडून  धुवून घ्यावी.
  • प्रेशर  कुकरमध्ये  हरभरा  डाळ  शिजवून  घ्यावी.
  •  शिजलेली  डाळ  चाळणीवर  उपसून  पाणी  काढून  घेणे.  ह्या  पाण्याला  पुरणाचा  कट  म्हणतात.  पुरणपोळी बरोबर त्याचीच  आमटी  करतात.  पुरणाचा  कट  काढल्याने  पोळी  हलकी  होते.
  • डाळ  एका  जाड  बुडाच्या  पातेल्यात  घालून  थोडी  डावाने  घोटावी.  त्यात  गूळ  व  साखर  घालून  शिजवायला  ठेवावी.
  • पुरण  चांगले  शिजले  की  पातेल्याच्या  कडेने  सुटू  लागते.  शिजवताना  प्रथम  पातळ  होते  व  नंतर  झाऱ्याला  घट्ट  लागू लागते.
  • पुरणयंत्राला  बारीक  जाळीची  ताटली  लावावी  व  शिजलेले  पुरण  गॅसवरून  उतरवून  त्यात  जायफळ,  वेलदोडे पूड  घालून गरम  असताना  पुरणयंत्रातून  वाटून  घ्यावे.
  •  कणीक व मैदा  चाळणीने  चाळून  घ्यावा  व  चिमुटभर   मीठ,  पाव  वाटी  तेल  टाकून  कणीक  सैलसर  भिजवावी.
  • २ तास  कणीक  भिजल्यावर  परातीत  काढून  पाणी  लावून  हाताने  चांगली  तिंबावी.  पाण्याबरोबर  वारंवार  तेलाचा वापर  करावा.  कणीक  चांगली  मळून  सैल  झाली  पाहिजे.
  • वाटलेले  पुरण  हाताने  सारखे  करून  घ्यावे. तांदळाची  पिठी  हाताला  लावून  कणकेचा  छोटा  गोळा  हातावर  घ्यावा. साधारण  कणकेच्या  गोळ्याच्या दुपटीपेक्षा जास्त पुरण घेवून हलक्या हाताने ते हळूहळू कणकेत भरावे व उंडा हाताने बंद करावा
  •  पोळपाटावर  पिठी  घेवून  हलक्या  हाताने  पोळी  लाटावी  व  मंद  आचेवर   तव्यावर  गुलाबी  सारखे  डाग  पडेपर्यंत भाजावी. ह्याच  रीतीने  सर्व  पोळ्या  कराव्यात.
तर काय मंडळी, बनवणार का गोड पुरणपोळ्या…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा
 Click here to see Maharastrian special dish – Puran Poli recipe in English

वर्गीकृत शब्दावली – खाद्य पदार्थ शब्दकोश

        अरे रे रे रे……...किती ही मोठी लिस्ट? किती हे मेनु? कसे काय होणार? कसं काय मला जमणार? उद्या घरी पाहुणे, मित्रमंडळी येणार. चांगला पाहुणचार कसे मी निभावणार? पाहुणचार म्हंटल कि चांगल बोलणे, गप्पा गोष्टी करणे आणि मुख्यता चांगले खाणे पिणे पाहुण्यांकरिता.

वर्गीकृत शब्दावली - खाद्य पदार्थ शब्दकोश

उद्याचा दिवस आमच्या आयुष्यातला महत्वपूर्व दिवस आहे. त्याचे कारण असे की आमच्या लग्नाचा वाढदिवस आहे. हा आनंदमई क्षण आम्ही आमच्या पाहुणे, मित्रमंडळी सोबत लुटण्याचा ठरविला आहे. पण दुसऱ्या बाजूला मला काहीतरी प्रश्न जाणवत होता. तो असा की जेवणामध्ये मेनु काय असणार? थोड्या विचाऱ्यानंतर मी असं ठरविले की उद्याच्या रात्रीच्या जेवणासाठी पनीर टिक्का, दम आलु, फिन्गर चिप्स, छोले, मसाला ताक आणि रोटी करायचे. आमचा संवाद समता समता मी आमच्या मिस्टरांना म्हंटले की मला एक रेसीपीचे बुक उद्या आणून द्या. तसे हे मेनु मी पहिला एकदा केले होते. पण मला आता विसरल्या सारखं जाणवत होत. बर, आता सगळ ठरवून झालं, मित्रमंडळी, पाहुणेपईकाना कळवलं. उद्याचा कार्यक्रम  व्यवस्थित झालं की बर. असे विचार करत मी झोपी गेले.

चिव चिव, काव काव, असा आवाज माज्या कानावर आला. उठुन पाहते तर पहाट झाली होती. रात्रीच्या कार्यक्रमाच्या विचाराने मी झटकन उठले. उठुन सकाळची सर्व कामे मी झटपट आवरून घेतले.  रिसेशनच्या काळामुळे मिस्टरांना आर्धा दिवसच सुट्टी होती. सकाळी न्हाहरीच्यावेळी मी आमच्या मिस्टरांना पुन्हा एकदा पुस्तकाचं आठवण करून दिले. म्हंटल की पहिला पुस्तक आणून देऊन मग ऑफिसला जा. कारण मला लागणाऱ्या सामानाची यादी करून बाजारातुन ते सर्व मला घेऊन यायचं होत. सकाळी नाष्ट्यानंतर माझे मिस्टर पटकन बाईकवरून मार्केट मधून कुठले तरी एक रेसीपीचे बुक आणले. आणि बाहेरूनच ऑफिसला लगेच निघून गेले.

चला, आता पुस्तक तरी मिळालं. आता काळजी मिटली असा विचार करत करत मी ते पुस्तक उघडुन पहिले. पाहते तर काय, पुस्तक तर रेसिपीचच पण रेसिपी इंग्लिश मध्ये. तसं मला थोडं फार इंग्लिश जमत पण रेसिपीमध्ये लागणारे पदार्थांची नावे अनोळखी  होती. जसे… Bay leaf, Cumin Seeds, Corriander leaves, Chickpeas, Cinnamon, Penuts etc.

आता तुमच्या ध्यानी मनी आले असेल की ह्या आर्टिकलची सुरवात मी अ रे रे रे ह्या शब्दात का केलं. माझ्या बाबतीत माझ्याकडे माझ्या ह्या समस्याला दुसरा पर्याय होता. तो म्हणजे “इंग्लिश -मराठी “शब्दकोश . पण त्यामध्ये सर्व शब्दाचे अर्थ मिळतीलच असे काही नाही. तर  तिसरा पर्याय आम्ही कोणता शोधावा? उत्तर सोपे आहे ते म्हणजे ” इंटरनेट” आज कल इंटरनेटवर सर्व प्रकारचे प्रश्नांचे उत्तरे मिळतात. इंटरनेट इतकं मोठ आहे की त्यामध्ये आपल्याला लागणारी माहिती शोधनं एक कला आहे. ते सर्वाना जमणार असे नाही. अशा विचाराने मला असे वाटले की आमच्या दीपजीवनीच्या वाचकांना मदत होईल असं काहीतरी करावं. असाच विचार करत करत आमचा दिवस कधी संपला ते कळलंच नाही. मी हे सारे पकवान अगदी व्यवस्थित पणे केले. आणि ते सर्व पकवान सर्वाना खूप आवडले. सर्वांनी माझे कौतुक केले. ते ऐकून मला खूप आनंद झाला. पण ह्या आनंदाचा श्रेय फक्त माझाच नसून तो आहे इंग्लिश -मराठी शब्दकोशाचा. शेवटी माझ्या मनात असा विचार आला की असाच आनंद आपल्या दीपजीवनीच्या वाचकांना घेता यावा म्हणून मी आमच्या दीपजीवनीमध्ये वर्गीकृत शब्दावली (शब्दकोश )असा हा नवीन भाग केला आहे. ह्या शब्दकोशाचा विभाग तुम्हा सर्वाना नक्कीच आवडेल आणि उपयोगी ठरेल अशी मी कल्पना करते. तरी तुमचे प्रतिक्रिया व सूचना कमेंट्स द्वारे आम्हास कळवा.

Cereals and Etables ||खाद्य पदार्थ

 

Black gram उडीद डाळ
Barley जव
Broth रस्सा
Buck-wheat मठ
Chick peas काबुली  चणे
Corn मका
Comfit सुका  मोरंबा
Curry कढी
Coffee कॉफी
Chatney चटणी
Chiwda चिवडा
Corn-ear कणीस
Dry white beans पांढरा वाटाणा
Dry coconut सुके खोबरे
Flour कणीक
Field pea वाटाणा
Feast मेजवानी
Gram dal हरभरा  डाळ
Green gram मुगाची  डाळ
Gram flour डाळीचे पीठ
Grain धान्य, दाणा
Gram चणे
Gruel दलिया
Gum acacia बाभळीचा गोंद
Honey मध
Ice बर्फ
Jaggery गूळ
Jam मोरंबा
Kidney beans राजमा
Lentil मसुराची  डाळ
Loaf पाव
Millet बाजरी, ज्वारी
Meat मटण
Oat ओट  धान्य
Oil तेल
Peanut or ground nut शेंगदाणे
Puff rice चुरमुरे
Pickle लोणचे
Pulse डाळ
Red gram तूरडाळ
Rice तांदूळ
Refined flour मेदा
Rice flakes पोहे
Semolina रवा
Sago साबुदाणा
Sugar साखर
Sauce सॉस
Sugar-candy साखरेची गोळी
Syrup सरबत
Tea चहा
Treacle साखरेचा पाक
Tomato ketchup टोमटो  केचप
Vermicelli शेवया
Vinegar व्हिनेगर , शिरका
Wheat गहू
Arrowroot अरारूट

SPICES||मसाले

Asafetida हिंग
Aloe कोरफड
Amber तैलस्फटिक 
Acid आम्ल
Alum तुरटी
Alkali क्षार
Arsenic सोमल
Aniseed बडीशेप
Black papper or paper corn मिरे
Bay leaf तमालपत्र
Basil तुळस
Betel-nut सुपारी
Borax टांकनखार
Coriander seeds धने
Cloves लवंगा
Cinnamon दालचिनी
Cardamoms मोठे मसाला
Cardamoms (green) हिरवे वेलदोडे
Brown वेलदोडे
Caraway seeds शहाजिरे
Catechu काथा
Camphor कापूर
Cocain कोकेन
Chalk खडू
Cumin seed जिरे
Cassia एक प्रकारची दालचिनी
Chrome alum लाल तुरटी
Dry ginger सुंठ
Fenugreek मेथी
Ginger आल
Garlic लसून
Linseed अळशी
Liquorice ज्येष्ठीमध
Mustard seeds मोहरी
Mace जायपत्री
Mango powder आमचूर
Musk कस्तूरी
Menthol पुदिना
Nutmeg जायफळ
Nitre सूर्यखार
Opium अफू
Origanum शिकाकाई
Parsley ओवा
Poppy seeds खसखस
Pomegranate seeds अनारदाणा
Parsley अजमोदा
Phyllanthus emblica आवळा
Red chilly powder तिखट
Ruddle गेरू
Resin राळ
Salt मीठ
Sesame seeds तीळ
Saffron केशर
Sulphur गंधक
Sandal चन्दन
Soap-nut रीठा
Salt petre सोरामीठ
Senna सोनामुखी
Turmeric हळद
Vitriol मोरचूद
Vinegar शिरका
Yeast यीस्ट    
Land caltrop गोकरू

VEGETABLES||भाजीपाला

Amaranthus चवळी
Brinjals वांगे
Bottle ground दुधी भोपळा
Broad beans वालपापडी
Bitter gourd कारले
Betel पान
Curry leaves कढीलिंब
Coriander leaves कोंथिबीर
Coconut नारळ
Cabbage पानकोबी
Cauli flower फुलकोबी(फ्लावर )
Carrots गाजर
Capsicum भोपळी मिरची
Cucumber काकडी
Cluster beans गवार
Colocasia अळूची पाने
Cashewnut काजू
Drum sticks शेवग्याच्या शेंगा
French beans श्रावण घेवडा
Green chillies हिरव्या मिरच्या
Green peas मटार
Groundnut भुईमुग
Knolkhol कोबी
Lady’s finger भेंडी
Mini leaves पुदिना
Mushroom मशरूम
Onion कांदे
Potatoes बटाटे
Red pumpking तांबडा भोपळा
Raddish मुळा
Sweet potatos रताळी
Spinach पालक
Spring onions कांधाची  पात
Sugar beet बीट
Yam सुरण

Fruits and Dry Fruits||फळे

 

Apple सफरचंद
Almond बदाम
Banana केळे
Black berry जांभूळ
Cashewnut काजू
Cherry चेरी
Crab apple रानटी सफरचंद
Fig अंजीर
Guava पेरू
Grape द्राक्षे
Jack-fruit फणस
Lime लिंबू
Lemon लिंबू
Mango आंबा
Musk melon खरबूज
Mosambi मोसंबी
Orange संतरे
Pineapple अननस
Pomegranate डाळिंब
Peach पीच
Pistachio पिस्ते
Raisins बेदाणे
Suger-cane ऊस
Sapodilla चिकू
Sultana or currants (Raisin) मनुका 
Tamarind चिंच
Walnut अक्रोड
Water melon टरबूज
Date खजूर

Milk Made Products||दूधापासून बनलेले पदार्थ

 

Cottage Cheese पनीर
Curd दही
Butter लोणी
Whale Dried Milk खवा
Clarified Butter तूप
Cheese चीस
Milk दूध
Cream मलई

You may also interested in,

   To Go to Freedom Marathi Home click here
 To Go back to Deepjeevani Home click here


फडे आप्पे-खमंग मेजवानी

Click here to see Maharastrian Phad – Appe recipe in English

फडे आप्पे-खमंग मेजवानी

साहित्य :-

  • ४ वाटया  तांदूळ
  • १ वाटी  उडदाची  डाळ
  • २ कांदे  बारीक  चिरून
  • ५-६ हिरव्या  मिरच्या
  • १ चमचा  जिरे  बारीक  वाटून
  •  मीठ
  • तेल

कृती :-

  •  उडदाची  डाळ  व  तांदूळ  भिजत  घालावे . (वेगवेगळे )
  •  सकाळी  बारीक  वाटून  मिसळून  झाकून  ठेवणे .
  • ७-८  तासांनी  पीठ  आंबून  आले  की  त्यामध्ये २  कांदे  बारीक  चिरून , हिरव्या  मिरच्या   व  १  चमचा जिरे  बारीक  वाटून  त्यात  मिसळावे .
  • मीठ  घालावे .
  • आप्पे  पात्रात  प्रत्येक  गोलात  पाव  चमचा  तेल  घालून  १-१  टेबलस्पून   पीठ  घालून  झाकण  ठेवावे .
  • वाफ  येऊन  फुगून  आले  की  विणायच्या  सुईने  उलटून  दुसऱ्या  बाजूने  खरपूस  झाले  की  काढून दह्यातल्या  सरसरीत  चटणीबरोबर  गरम  खायला  घ्यावेत .
तर काय मंडळी, बनवणार का फडे (आप्पे )…?तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to see Maharastrian Phad – Appe recipe in English

You may also interested in,

 To Go to Freedom Marathi Home click here
To Go back to Deepjeevani Home click here


%d bloggers like this: