Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Advertisements

Author: freedomadmin

कुरकुरीत कांदा भजी-खेकडा भजी

Click here to see Kaanda Bhaji or Pyaaz ka Pakoda recipe in English

कांद्याची  भजी (खेकडा भजी)

कुरकुरीत कांदा भजी_खेकडा भजीसाहित्य :-

  • ५-६ मोठे कांदे
  • २ वाट्या डाळीचे पीठ
  • २ टेबलस्पून तांदळाची पिठी
  • २ चहाचे चमचे तिखट
  • अर्धा चहाचा चमचा हळद
  • ४ टेबलस्पून तेल
  • चवीनुसार मीठ
  • १/२ चहाचा चमचा जिरे पावडर [optional ]
  • १/२ चहाचा चमचा धने पावडर [optional ]
  • १/२ चहाचा चमचा ओवा
  • कोंथिबीर बारीक चिरून
  • भजी तळण्याकरता तेल

 

कृती :-

  • कांदे पातळ उभे चिरून घ्यावेत . त्यावर मीठ घालून हाताने थोडे कालवून १०-१५ मिनिटे झाकून ठेवावे.
  • १०-१५ मिनिटांनी कांद्यावर डाळीचे पीठ, तांदळाचे पीठ, तिखट, हळद, ओवा, जिरे पावडर, धने पावडर, चार टेबलस्पून तेल गरम करून घालावे आणि चिरलेली कोंथिबीर घालून हलक्या हाताने मिसळावे .
  • कढईत तेल तापायला ठेवावे व तापलेल्या तेलात कांदा हाताने मोकळा करून वेड्यावाकड्या आकाराची भजी घालावीत व खरपूस तळून काढावीत.
  • गरम गरम खायला द्यावेत.

 

टीप :-

  • ही भजी जरा झणझणीत चांगली लागतात.आवडत असल्यास २-३ मिरच्या बारीक चिरून घालाव्यात.
तर काय मंडळी, बनवणार का झटपट कांद्याची  भजी (खेकडा भजी )…? तुम्हाला नक्कीच आवडेल.

आपले प्रतिक्रिया कमेंट्स द्वारे नक्कीच कळवा

 

Click here to see Kaanda Bhaji or Pyaaz ka Pakoda recipe in English

You may also interested in,

 To Go to Freedom Marathi Home click here
To Go back to Deepjeevani Home click here

Advertisements

फोडणीचे पोहे-कांदा पोहेकांदे पोहे

Click here to see Kaande Pohe or Kaanda Poha recipe in English

फोडणीचे पोहे-कांदे पोहे

 

फोडणीचे पोहे-कांदे पोहेसाहित्य :-

  • २ वाट्या जाड पोहे निवडून घेणे
  • २ कांदे बारीक चिरून
  • ५-६ हिरव्या मिरच्या चिरून
  • ६-७ कढीलिंब
  • अर्धी वाटी खोवलेले खोबरे
  • मुठभर चिरलेली कोंथिबीर
  • चवीनुसार मीठ
  • चवीनुसार साखर
  • अर्ध्या लिंबाचा रस
  • पाव वाटीपेक्षा थोडे जास्त तेल
  • १/२ वाटी शेंगदाणे [optional ]
  • १ चमचा मोहरी
  • १ चमचा जिरे
  • चिमूटभर हिंग
  • अर्धा चमचा हळद
  • १ मध्यम आकाराचा बटाटा
  • अर्धा कप वाटणे [मटार] [optional ]

 

कृती :-

  • कांदे चिरून, बटाटे चिरून, मिरच्या चिरून, कढीलिंब , कोंथिबीर चिरून, नारळ खवून, लिंबाचा रस काढून सर्व तयारी करावी.
  • भोकांच्या चाळणीत (रोवळीत) पोहे हलक्या हाताने धुवावेत.
  • पातेले तापत ठेवून तेल घालावे व तेल तापल्यावर मोहरी ,जिरे ,हिंग व हळद घालून फोडणी करावी.
  • फोडणीत मिरच्यांचे तुकडे व कढीलिंब घालून लगेच कांदा व बटाटा घालावा.
  • गॅस मंद करून कांदा व बटाट्यावर चिमूटभर मीठ व साखर घालून कांदा व बटाटाला १ वाफ द्यावी.
  • कांदा पारदर्शक झाल्यावर व बटाटा शिजल्यावर भिजवलेले पोहे घालावेत व लगेच चवीनुसार मीठ,साखर व अर्ध्या लिंबाचा रस घालून पोहे उलथण्याने चांगले ढवळावेत.
  • गॅस अगदी मंद ठेवून झाकण घालून दोन वाफा द्याव्यात व दोन वाफांमध्ये चांगले ढवळावे म्हणजे मीठ,साखर सर्व पोह्याला सारखे लागेल .
  • आवडीनुसार खोबरे,कोंथिबीर पोह्यात घालून नीट ढवळून खाण्यास द्यावे अथवा डिशमध्ये पोहे घालून खोबरे,कोंथिबीर घालून दिश सजवावी.

 

टीप:-

  • वरील पोह्यात मटारच्या दिवसांत वाटीभर मटार अथवा मूठभर भाजके दाणे घालून पण पोहे छान लागतात.
  • पोह्यात आवडत असल्यास १ मोठा टोमॅटो बारीक चिरून कांद्याबरोबर घालावा.  टोमॅटो मुळे पोहे ओलसर होतात व लिंबू घालायची जरूर पडत नाही.
  • चार्तुर्मासात कांदा घालायचा नसेल तर फ्लावर अथवा पानकोबी घालून उत्तम पोहे होतात.
  • पोहे जरा जास्त तेलात स्वादिष्ट होतात. पण कमी तेलात करायचे असतील तर कांदा परतण्याइतपत तेल घालावे व कांदा परतल्यावर पाव वाटी पाणी आधी फोडणीत घालून मग पोहे टाकावे. म्हणजे तेल कमी घालून सुद्धा मऊसर पोहे होतात.
  • पोह्यांवर ओला नारळ नसेल तर सुके खोबरे किसून घालून पोहे चांगले लागतात . खोबऱ्याचा कीस वापरायचा असेल तर मुठभर भाजके दानेपण वापरावेत.खमंग लागतात.
  • पोह्यावर डिशमध्ये खायला देताना बारीक शेव घालावा.त्यामुळे पोहे स्वादिष्ट लागतात.

 

तर काय मंडळी, बनवणार का झटपट फोडणीचे पोहे-कांदे पोहे…? तुम्हाला नक्कीच आवडेल.

आपले प्रतिक्रिया कमेंट्स द्वारे नक्कीच कळवा

 

Click here to see Kaande Pohe or Kaanda Poha recipe in English

You may also interested in,

 To Go to Freedom Marathi Home click here
To Go back to Deepjeevani Home click here


बटाट्याची भजी-बटाटा पकोडा

Click here to see Aloo Pakoda Recipe in English

                                                बटाट्याची भजी

Aloo Ka Pakodaसाहित्य  :-

  • ३-४ मोठे बटाटे
  • २ वाट्या भरून डाळीचे पीठ
  • २ टेबलस्पून तांदळाची पिठी
  • १ चहाचा चमचा तिखट
  • अर्धा चमचा हळद
  • ३ टेबलस्पून तेल
  • चवीनुसार मीठ
  • चिमूटभर सोडा
  • चिमूटभर हिंग
  • २ टेबलस्पून चाट मसाला [ optional ]
  • तळण्याकरता तेल.

 

कृती:-

  • बटाटे साल काढून गोल पातळ चिरावेत व मिठाच्या पाण्यात १०-१५ मिनिटे घालून ठेवून हाताने चोळून बाहेर काढावेत व चाळणीत निथळत ठेवावेत.
  • डाळीच्या पिठात २ टेबलस्पून तांदळाची पिठी, ३ टेबलस्पून तेल कडकडीत करून घालावे,त्यात तिखट,हळद व चवीनुसार मीठ घालावे. पीठ सरबरीत कालवावे. त्यात चिमूटभर सोडा व हिंग घालावा.
  • कढईत तेल तापत ठेवावे. तेल तापल्यावर बटाट्याची एक एक चकती पिठात बुडवून भजी घालावीत व खरपूस तळावीत.
  • गरम गरम सर्व्ह करावे !

 

तर काय मंडळी, बनवणार का झटपट बटाट्याची भजी-बटाटा पकोडा…? तुम्हाला नक्कीच आवडेल.

आपले प्रतिक्रिया कमेंट्स द्वारे नक्कीच कळवा

 

Click here to see Aloo Pakoda Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


इडली -IDLI or IDALI Recipe

Click here to check IDLI recipe in English 

इडली -IDLI or IDALI

South Indian IDLIसाहित्य:-

  • २ वाटी उडदाची डाळ
  • ५ वाटी तांदूळ
  • मीठ
  • १ टेबलस्पून तेल
  • इडली पात्र

 

 

कृती:-

  1. इडली करायच्या आधी २४ तास उडदाची डाळ आणि तांदूळ निवडून धुवून भिजत घालावी.
  2. १०-१२ तास डाळ,तांदूळ भिजले की पाणी काढून मिक्सरवर वेगवेगळे वाटावे व एकत्र करून हाताने मिसळून एका ऐल्युमिनियमच्या डब्यात किंवा भांड्यात घालून उबदार जागेत ठेवावे.
  3. हिवाळ्यात २४ तास पीठ आंबल्यावर (उन्हाळ्यात १२ तासात पीठ आंबते)ते डब्यातून काढून त्यात १ चमच्या तेल व चवीपुरते मीठ घालून सारखे करावे.
  4. नंतर इडली पत्राला तेल लावून त्यात प्रत्येक साच्यात थोडे-थोडे पीठ टाकून इडल्या कराव्यात. आठ ते दहा मिनिटे त्याला वाफ आणावी .
  5. १० मिनिटांनी झाकण काढून इडली शिजली का ते पाहावे. मधोमध ओली सुरी टोचली व सुरीला पीठ लागले नाही तर समजावे इडली झाली.सुरीला पीठ लागले तर अजून ५ मिनिटे उकडण्यास ठेवावे.
  6. वरील साहित्यात २५-२६ इडल्या होतात. सांबार व चटणीबरोबर ४ व्यक्तींना भरपूर पुरतात.

टीप:-

  • इडलीचे पीठ चांगले आंबले की इडल्या चांगल्या हलक्या होतात. सोडा वापरायची जरूर नसते पण खूप थंडीच्या दिवसात २४ तास पीठ ठेवूनही आंबले नाही तर पिठात अर्धी वाटी आंबट दही व पाव चमचा सोडा घालून फेटून इडल्या कराव्यात.

 

Click here to check  IDLI recipe in English

You may also interested in,

 To Go to Freedom Marathi Home click here
To Go back to Deepjeevani Home click here


भारतीय पाककृती – ब्रेड पकोडा

BreadPakoda3

BreadPakodaसाहित्य :-

  • ८ ब्रेड स्लाईस
  • ३-४ मध्यम बटाटे
  • १ कप बेसन
  • १ कप पाणी
  • १/२ टीस्पून हळद
  • १/२ टीस्पून जिरे
  • १ टीस्पून तिखट
  • चिमुटभर खायचा सोडा
  • मीठ
  • कढीपत्ता
  • २-३ हिरव्या मिरच्या
  • कोथिंबीर
  • आलं लसुन पेस्ट
  • तळण्यासाठी तेल

कृती :-

  1. बटाटे शिजवल्यावर लगेचच भाजी बनवावी म्हणजे बटाटे चांगल्याप्रकारे मॅश होतात. किवा बटाटे सुरीने खूप बारीक कापावेत.
  2. बटाट्याची भाजी करतेवेळी एका कढईत थोडे तेल घालून त्यात जिरे, बारीक चिरलेली मिरची, कढीपत्ता, आलं लसुन पेस्ट घालून परतावे.नंतर त्यातमध्ये थोडी हळद, व मीठ घालून परतावे.नंतर त्यात बारीक चिरलेले बटाटे घालून आणि बारीक चिरलेली कोंथिबीर घालून परतावे.
  3. एका बाऊल मध्ये बेसन घेऊन त्यात हळद,तिखट, जिरे, मीठ, खायचा सोडा, आलं लसुन पेस्ट, बारीक चिरलेली कोंथिबीर, आणि पाणी घालून पीठ भिजवावे.हे पीठ पातळ ही नसावे आणि एकदम घट्ट सुद्धा नसावे.
  4. एक ब्रेडचा स्लाईस घेऊन त्यावर सुरीने त्रिकोणी आकाराचे तुकडे करावेत. नंतर एक ब्रेडचा स्लाईस घेऊन त्यावर २ ते ३ चमचे भाजी एकसमान पसरावी .त्यावर दुसरा ब्रेड स्लाईस ठेवावा.
  5. तळण्यासाठी तेल गरम करत ठेवावे. बटाटा भाजी घातलेली ब्रेडचे तुकडे भिजवलेल्या पिठात घोळवून मिडीयम हाय गॅसवर गोल्डन रंगावर तळून घ्यावेत.
  6. सर्व्ह करताना पुदिना चटणी,किवा टोमॅटो केचपबरोबर द्यावे.

टीपs :-

  1. बटाट्याची भाजी उरली असेल तर या पिठात भाजी घालून भजीप्रमाणेच तळाव्यात.
  2. जर प्लेन पकोडे बनवायचे असतील तर बटाट्याची भाजी करू नये फक्त ब्रेडचे कापलेले तुकडे भिजवलेल्या पिठात बुडवून नेहमी सारखे तळावे.
तर काय मंडळी, बनवणार का ब्रेड पकोडा…? तुम्हाला नक्कीच आवडेल.आपले प्रतिक्रिया कमेंट्स द्वारे नक्कीच कळवा

 

Click here to check Bread Pakoda Recipe in English

You may also interested in,

 To Go to Freedom Marathi Home click here
To Go back to Deepjeevani Home click here


%d bloggers like this: